Intezaar Shayari

Intezaar Shayari-इंतज़ार शायरी 

Ek Raat Wo Gaya Tha Jahan Baat Rok Ke,

Ab Tak Ruki Hui Hun Vahin Raat Rok Ke.

Intezaar Shayari

****************************************************************************************

Ab To Uth Sakta Nahin Aankhon Se Baar-E-Intazaar

Kis Tarah Kaate Koi Lail-O-Nahaar-E-Intazaar

****************************************************************************************

Jaan-E-Sukoon Aa Bhi Jaa Teraa Hi Intazaar Hai

Aankhon Se Ashk Hai Ravaan Jaan Bhi Beqaraar Hai

****************************************************************************************

Lutf Jo Us Ke Intazaar Mein Hai

Vo Kahaan Mausam-E-Bahaar Men Hai

****************************************************************************************

Un Ki Ulfat Ka Yaqin Ho Un Ke Aane Ki Ummeed

Hon Ye Donon Sooraten Tab Hai Bahaar-E-Intazaar

Intezaar Shayari

****************************************************************************************

Un Ke Khat Ki Aarazoo Hai Un Ke Aamad Ka Khayaal

Kis Qadar Phailaa Huaa Hai Kaarobaar-E-Intazaar

-Hasrat Mohani

****************************************************************************************

Tamaam Umr Teraa Intazaar Ham Ne Kiyaa

Is Intazaar Men Kis Kis Se Pyaar Ham Ne Kiyaa

-Hafiz Hoshiarpuri

****************************************************************************************

Shayad Abhi Hai Raakh Mein Koi Sharar Bhi,

Kyon Varna Intezaar Bhi Hai Iztirar Bhi,

Dhyan Aa Gaya Hai Marg-E-Dil-E-Na-Murad Ka,

Milne Ko Mil Gaya Hai Sukoon Bhi, Qarar Bhi.

-Ada Jafri

Intezaar Shayari

****************************************************************************************

Janta Hoon Sawaab-E-Taait-O-Zuhd,

Par Tabeeyat Idhar Nahin Aati.

-Mirza Ghalib

****************************************************************************************

Koi Aayaa Na Aayegaa Lekin

Kya Karen Gar Na Intazaar Karen

-Firaq Gorakhpuri

****************************************************************************************

Maut Ka Intazaar Baaqi Hai

Aap Ka Intazaar Tha Na Rahaa

-Fani Badayuni

****************************************************************************************

Chalta Nahin Hai Mahfil-E-Husn-E-Jawaan Mein Kaam,

Har Jumbish-E-Nazar Se Ibadat Kieye Baghair.

-Josh Malihabadi

****************************************************************************************

Sijda Nigah-E-Shauq Se, Aur Dil Se Guftagoo,

Hoti Hai Is Tarah Bhi Ibaadat Kabhi Kabhi.

-Ehsan Danish

Intezaar Shayari

****************************************************************************************

Bandgi Mein Bhi Woh Azad-O-Khud-Been Hain Ke Hum,

Ulte Phir Aaye Dar-E-Kaa’ba Agar Waa Na Hua.

-Mirza Ghalib

****************************************************************************************

Taaseer-E-Intezaar Ne Yeh Haal Kar Diya,

Aankhen Khuli Hui Hain Magar Dehhte Nahin.

-Akbar Allahabadi

****************************************************************************************

Hai Kis Ka Intezaar Ke Khwab-E-Adarn Se Bhi,

Har Baar Chaunk Parte Hain Aawaaz-E-Pa Ke Saath.

-Momin

****************************************************************************************

Hosh-O-Hawaas, Taab-O-Tawaan, Fikr-E-Shayari

Sab Kuchh Lutaa Diya Hai, Tere Intezaar Mein

-Kalim Akhtar

****************************************************************************************

Subh Hote Hi Yeh Khayaal Aaya

Kyon Tera Intezaar Karte Hain

-Kalim Akhtar

****************************************************************************************

Wafa-Ke Naam-Pe Vaa’da Tha, Sarphira-Hi Sahi,

Ye Intezaar To Har-Har Qadam-Pe Hona Tha.

-Shahid Jameel

Intezaar Shayari

****************************************************************************************

Jo Bhi Bichhde Hain Kab Mile Hain 'Faraz'

Phir Bhi Too Intazaar Kar Shaayad

-Ahmad Faraz

****************************************************************************************

Vo Mazaa Kahaan Vasl-E-Yaar Men

Lutf Jo Milaa Intazaar Mein

-Fana Nizami Kanpuri

****************************************************************************************

Ye Na Thi Hamaari Qismat Ke Visaal-E-Yaar Hotaa

Agar Aur Jite Rahte Yahi Intazaar Hotaa

-Mirza Ghalib

****************************************************************************************

Ghazab Kiya, Tere Vaade Pe Aitbaar Kiyaa

Tamaam Raat Qayaamat Ka Intazaar Kiyaa

-Daagh Dehlvi

****************************************************************************************

Umr-E-Daraaz Maang Kar Laaye The Chaar Din

Do Arazoo Men Kat Gaye Do Intazaar Men

-Bahadur Shah Zafar

Intezaar Shayari

****************************************************************************************

Shab-E-Intazaar Ki Kash-Ma-Kash Na Pooch Kaise Sahar Hui

Kabhi Ik Chiraagh Jalaa Diyaa Kabhi Ik Chiraagh Bujhaa Diyaa

-Majrooh Sultanpuri

****************************************************************************************

Baagh-E-Bahisht Se Mujhe Hukm-E-Safar Diyaa Tha Kyon

Kaar-E-Jahaan Daraaz Hai Ab Meraa Intazaar Kar

-Allama Iqbal

****************************************************************************************

Loote Maze Usi Ne Tere Intazaar Ke

Jo Hadd-E-Intazaar Se Aage Nikal Gayaa

-Asar Lucknawi

****************************************************************************************

Hooron Ka Intezaar Kare Kaun Hashr Tak

Mitti Ki Bhi Mile To Rawa Hai Shabaab Mein

-Daagh Dehlvi

****************************************************************************************

Na Poocho ‘Daagh’ Ham Se Intezaar-E-Yaar Ki Soorat

Yeh Aankhein Jaanti Hain Khoob Jo Naqshe Guzarte Hain

-Daagh Dehlvi

Intezaar Shayari

****************************************************************************************

Khuda Kare Ki Mazaa Intezaar Ka Na Mite

Mere Sawaal Ka Woh Dein Jawaab Barson Mein

-Daagh Dehlvi

****************************************************************************************

Hone Ko Fasl-E-Gul Bhi Hai Daavat-E-Aish Hai Magar

Apani Bahaar Kaa Mujhe Aaj Bhi Intazaar Hai

-Yahya Jasdanwalla

****************************************************************************************

Din Guzar Gayaa Aitabaar Men

Raat Kat Gai Intazaar Men

-Fana' Nizami Kanpuri

****************************************************************************************

Ik Umr Kat Gai Hai Tere Intazaar Men

Aise Bhi Hain Ke Kat Na Saki Jin Se Ek Raat

-Firaq Gorakhpuri

****************************************************************************************

Vo Na Aaye Gaa Hamen Maaloom Tha Us Shaam Bhi

Intazaar Us Ka Magar Kuchh Soch Kar Karte Rahe

-Parveen Shakir

****************************************************************************************

Be-Khudi Le Gai Kahaan Ham Ko

Der Se Intazaar Hai Apnaa

-Meer Taqi Meer

****************************************************************************************

Teri Raahon Men Baarahaa Ruk Kar

Ham Ne Apnaa Hi Intazaar Kiyaa

-Gulzar

Intezaar Shayari

****************************************************************************************

Mujh Ko Ye Aarzoo Vo Uthaayen Naqaab Khud

Un Ko Ye Intazaar Taqaazaa Kare Koi

-Majaz

****************************************************************************************

Taa Phir Na Intazaar Men Neend Aaye Umr Bhar

Aane Kaa Ahad Kar Gaye Aaye Jo Khwaab Men

-Mirza Ghalib

****************************************************************************************

Kuchh Din Ye Bhi Rang Rahaa Intazaar Men

Aankh Uth Gai Jidhar Bas Udhar Dekhate Rahe

-Asar Lucknawi

****************************************************************************************

Jis Mod Par Kiye The Ham Intazaar Barason

Us Se Lipat Ke Roye Divaanaavaar Barason

-Sudarshan Faakir

****************************************************************************************

Ai Intazaar-E-Jaanaan Ham Jaanten Hain Tujhe

Kaati Hai Raat Ham Ne Karvat Badal Badal Ke

****************************************************************************************

Tamaam Umr Teraa Intazaar Kar Lenge

Magar Ye Ranj Rahegaa Ki Zindagi Kam Hai

-Shahid Siddiqi

****************************************************************************************

Paighaam Zindagi Ne Diyaa Maut Kaa Mujhe

Marane Ke Intazaar Men Jeenaa Padaa Mujhe

-Safi Lucknawi

****************************************************************************************

Jab Nigaahen Uth Gain Allaah Re Meraaj-E-Shauq

Dekhtaa Kyaa Hoon Vo Jaan-E-Intazaar Aa Hi Gayaa

-Jigar Moradabadi

****************************************************************************************

Ab Ki Baras Bhi Vo Nahin Aayaa Bahaar Men

Guzre Gaa Aur Ek Baras Intazaar Men

-Payam Saeedi

****************************************************************************************

Kahaan Hai Too Ke Tere Intazaar Men Ai Dost

Tamaam Raat Sulagate Rahe Dil Ke Viraane

-Nasir Kazmi

****************************************************************************************

Roz Jeetaa Huaa Roz Martaa Huaa

Har Naye Din Nayaa Intazaar Aadmi

-Nida Fazli

****************************************************************************************

Aaj Ashkon Kaa Taar Toot Gayaa

Rishtaa-E-Intazaar Toot Gayaa

-Saifuddin Saif

Intezaar Shayari

****************************************************************************************

Na Jis Ki Shakl Hai Koi Na Jis Kaa Naam Hai Koi

Ik Aisi Shai Kaa Kyon Hamen Azal Se Intazaar Hai

-Shahryar

****************************************************************************************

Tum Aaye Ho Na Shab-E-Intazaar Guzari Hai

Talaash Men Hai Sahar Baar Baar Guzari Hai

-Faiz Ahmad Faiz

****************************************************************************************

Phir Baithe Baithe Vaadaa-E-Vasl Us Ne Kar Liyaa

Phir Uth Khadaa Huaa Vahi Rog Intazaar Kaa

-Ameer Minai

****************************************************************************************

Ik Intazaar Saa Thaa Ab Nazar Men Vo Bhi Nahin

Safar Men Marne Ki Fursat Thi Ghar Men Vo Bhi Nahin

-Mahashar Badayuni

****************************************************************************************

Tooti Jo Aas Jal Gaye Palkon Pe Sau Chiraagh

Nikhraa Kuchh Aur Rang Shab-E-Intazaar Kaa

-Mumtaz Mirza

****************************************************************************************

Ab Kis Ke Intazaar Men Jaagen Tamaam Shab

Vo Saath Ho To Neend Mein Kaise Khalal Pade

-Shehzad Ahmed

****************************************************************************************

Meri Naash Ke Sirhaane Vo Khade Ye Kah Rahe Hain

Ise Nind Yoon Na Aati Agar Intazaar Hotaa

-Safi Lucknawi

****************************************************************************************

Gham-E-Hayaat Se Dil Ko Abhi Nijaat Nahin

Nigaah-E-Naaz Se Kah Do Ki Intazaar Kare

-Shakeel Badayuni

****************************************************************************************

Na Koi Vaadaa Na Koi Yaqin Na Koi Ummeed

Magar Hamen To Teraa Intazaar Karnaa Thaa

-Firaq Gorakhpuri

****************************************************************************************

Too Paas Bhi Ho To Dil Be-Qaraar Apnaa Hai

Ke Ham Ko Teraa Nahin Intazaar Apnaa Hai

-Ahmad Faraz

****************************************************************************************

Khizaan Ke Rang Men Abhi Bahaar Baaqi Hai

Chiraagh-E-Sahar Hai Par Intazaar Baaqi Hai

-Azra Adil Rashid

Intezaar Shayari

****************************************************************************************

Main Zindaa Thaa Ki Teraa Intazaar Khatm Na Ho

Jo Too Milaa To Ab Sochtaa Hoon Mar Jaaoon

-Ahmed Nadeem Qasmi

****************************************************************************************

Laut Aaoongaa Surkh-Roo Ho Kar

Saaraa Lashkar Is Intazaar Men Thaa

-Anees Amrohvi

****************************************************************************************

Haalaat Kah Rahe Hain Ki Ab Vo Na Aayenge

Ummid Kah Rahi Hai Zaraa Intazaar Kar

-Irfan Abid

****************************************************************************************

Duniyaa To Khair Chhod Ke Aage Nikal Gai

Tum Ne Bhi Intazaar Hamaaraa Nahin Kiyaa

-Irfan 'Abid'

****************************************************************************************

Ham Intazaar Karenge Teraa Qayaamat Tak

Khudaa Kare Ki Qayaamat Ho Aur Too Aaye

-Sahir Ludhianvi

****************************************************************************************

Dekho To Intezaar Sa Hai Kuchh.

-Mir Taqi Mir

****************************************************************************************

Thak Gaye Hum Karte Karte Intezaar,

Ik Qayaamat Un Ka Aana Ho Gaya.

-Akhter Sheerani

****************************************************************************************

Waada Aane Ka Wafa Keejiye, Yeh Kya Andaaz Hai,

Tum Ne Kyon Saunpi Hai Mere Ghar Hi Darbaani Mujhe.

-Mirza Ghalib

****************************************************************************************

Na Jaana Ke Duniya Se Jaata Hai Koi,

Bahut Der Ki Meharbaan Aate Aate.

-Dagh
Intezaar Shayari