Naqaab Shayari-नक़ाब शायरी
Ulat De Ai Sabaa Too Hi Naqaab-E-Rukh Ko Chehre Se,
Kabhi To Dekh Len Ham Bhi Zaraa Sarkaar Ki Soorat.
~Siddiqui
Naqaab Shayari
****************************************************************************************
Naqaab Shayari
****************************************************************************************
Haan Kya Huaa Vo Hausla-E-Deed Ahl-E-Dil,
Dekho Na Vo Naqaab Uthaaye Huye To Hain.
~Majaz
****************************************************************************************
Mujh Ko Khabar Rahi Na Rukh-E-Benaqaab Ki,
Hai Khud Numood-E-Husn Men Shaan-E-Hijaab Ki.
~Asghar Gondvi
****************************************************************************************
Hai Dekhne Vaalon Ko Sambhalne Ka Ishaara,
Thodi Naqaab Aaj Vo Sarakaaye Huye Hain.
~Arsh Malsiyani
Naqaab Shayari
****************************************************************************************
Meri Hairat Ki Qasam Aap Uthayen To Naqaab,
Meraa Zimmaa Hai Ki Jalve Na Pareshaan Honge.
~Jigar Moradabadi
****************************************************************************************
Us Roo-E-Benaqaab Ka Jalwa Hua Naqaab,
Nikli Hai Rang Rang Se Soorat Hijaab Ki.
~Daagh Dehlvi
****************************************************************************************
Dar-Parda Josh-E-Husn Ne Be-Parda Kar Diya,
Tooti Girah Tadaak Se Band-E-Naqaab Ki.
~Daagh Dehlvi
Naqaab Shayari
****************************************************************************************
Go Havaa-E-Gulsitaan Ne Mere Dil Ki Laaj Rakh Li,
Vo Naqaab Khud Uthaate To Kuchh Aur Baat Hoti.
~Agha Hashr
****************************************************************************************
Sarakti Jaaye Hai Rukh Se Naqaab Aahistaa-Aahistaa,
Nikaltaa Aa Rahaa Hai Aaftaab Aahistaa-Aahistaa.
~Ameer Minai
****************************************************************************************
Kahin Chhanv Hai Kahin Dhoop Hai Kahin Aur Hi Koi Roop Hai,
Kai Chehre Is Mein Chhupe Hue Ik Ajeeb Si Ye Naqaab Hai.
~Rajesh Reddy
Naqaab Shayari
****************************************************************************************
Sharm-E-Rusvaai Se Jaa Chhupna Naqaab-E-Khaak Mein,
Khatm Hai Ulfat Ki Tujh Par Parda-Daari Haaye Haaye.
~Mirza Ghalib
****************************************************************************************
Naqaab Kahti Hai Main Parda-E-Qayaamat Hoon,
Agar Yaqeen Na Ho Dekh Lo Uthaa Ke Mujhe.
~Jaleel Manikpuri
****************************************************************************************
Aaraaish-E-Jamaal Se Faarigh Nahin Hanuz,
Pesh-E-Nazar Hai Aainaa Daaim Naqaab Mein.
~Mirza Ghalib
****************************************************************************************
Muskuraa Kar Daal Di Rukh Par Naqaab,
Mil Gayaa Jo Kuchh Ki Milnaa Tha Javaab.
~Moin Ahsan Jazbi
Naqaab Shayari
****************************************************************************************
Be-Pardaa Soo-E-Vaadi-E-Majnoon Guzar Na Kar,
Har Zarre Ke Naqaab Mein Dil Be-Qaraar Hai.
~Mirza Ghalib
****************************************************************************************
Dekhe Baghair Haal Ye Hai Iztiraab Kaa,
Kyaa Jaane Kyaa Ho Parda Jo Utthe Naqaab Kaa.
~Asar Sahbai
****************************************************************************************
Baam Par Aa Ke Utha Do Rukh-E-Taabaan Se Naqaab,
Ek Izaafa Hi Sahi Toor Ke Afsaane Mein.
~Jigar Moradabadi
****************************************************************************************
Bahaar-Laala-O-Gul, Shokhi-E-Barq-O-Sharar Ho Kar,
Who Aaye Saamne Lekin Hijaabat-E-Nazar Ho Kar.
~Jigar Moradabadi
Naqaab Shayari
****************************************************************************************
Naqaab-E-Husn Do-Aalam Uthaai Jaati Hai,
Mujhi Ko Meri Tajalli Dikhaai Jaati Hai.
~Jigar Moradabadi
****************************************************************************************
Hashr Bhi To Ho Chukaa Rukh Se Naheen Hatati Naqaab,
Had Bhi Aakhir Kuchh Hai Kab Tak Koi Deevana Rahe.
~Riyaz Khairabadi
****************************************************************************************
‘Aziz’ Munh Se Vo Apne Naqaab To Ulten,
Karen Ge Jab Agar Dil Pe Ikhtiyaar Rahaa.
~Aziz Lucknawi
****************************************************************************************
Chehre Kaa Nisf Hissa Zer-E-Naqaab Kar Ke,
Karte Hain Husn Vaale Deedaar Mein Milaavat.
~Mohd Ashik
****************************************************************************************
Meraa Kalaam Nahin Tasbih Us Muballigh Ki,
****************************************************************************************
Meraa Kalaam Nahin Tasbih Us Muballigh Ki,
Jo Bandagi Kaa Bhi Har Dam Hisaab Rakhtaa Hai.
Meraa Kalaam Nahin Meezaan Aise Aadil Ki,
Jo Apne Chehre Pe Dohraa Naqaab Rakhtaa Hai.
~Ahmed Faraz
****************************************************************************************
Naqaab Shayari
Naqaab Shayari
2 Comments
Nice poetry
ReplyDeleteAwesome
ReplyDelete