Dua Shayari

Dua Shayari-दुआ शायरी 

Jaan Tujh Par Nisaar Karta Hoon,

Main Nahin Jaanta Dua Kya Hai.

Dua Shayari

****************************************************************************************

Wo Sunta Hai Sabki Dua Kar To Dekho,
Tum Apne Naseeb Aajma Kar To Dekho,
Siyahi Gunahon Ki Dhul Jaye Dil Se,
Tum Aankhon Se Aansu Bahaa Kar To Dekho.

****************************************************************************************

Hajaron Aib Hai Mujhme, Nahi Koi Hunar Beshaq,
Tu Meri Har Kami Ko Khoobi Me Tabdeel Kar Dena,
Ek Khaare Samundar Si Hasti Hai Meri Maula,
Tu Apni Rehmaton Se Ise Mithi Jheel Kar Dena.

****************************************************************************************

Maango To Apne Rab Se Maango,
Jo De To Rahmat Aur Na De To Kishmat,
Lekin Duniya Se Hargiz Na Maangna,
Kiyoki De To Ahsaan Aur Na De To Sharmindagi.

****************************************************************************************
Jahan Me Teri Yaadon Ke Siwa Kuchh Bhi Nahi,

Dil Me Gujri Baaton Ke Siwa Kuchh Bhi Nahi,
Tu Jahan Bhi Rahe Sadaa Khush Rahe,
Mere Labon Pe Duaon Ke Siwa Kuchh Bhi Nahi.
Dua Shayari

****************************************************************************************

Mohabbat Ki Aazmaish De De Kar Thak Gaya Hu,
Ai Khuda Kishmat Me Koi Aisa Likh De Jo Maut Tak Wafadaar Rahe.

****************************************************************************************

Dua Ko Hath Uthhte Hain Magar Dil Ye Kehta Hai,

Mera Ho Jaye Wo Aisi Bhala Kismat Kahan Meri.

****************************************************************************************

Ulfat-e-Yaar Me Khuda Se Aur Maangu To Kya,

Ye Dua Hai Ke Tu Duaon Ka Bhi Mohtaaj Na Ho.

****************************************************************************************
Khwaab Sach Ho To Taabir Bhi Mil Jati Hai,

Yaad Bhi Aksar Ik Tasvir Me Badal Jati Hai,

Kuchh Maango Agar To Maango Sachche Dil Se,

Ek Dua Se Aksar Takdeer Badal Jati Hai.

****************************************************************************************

Na Koi Gila Karta Hun Na Shiqwa Karta Hun,
Tum Salamat Raho Bas Yehi Dua Karta Hun.

Dua Shayari
****************************************************************************************

Dil Me Aur Labon Pe Ek Dua Rahti Hai, 

Har Ghadi Mujhe Aapki Parwah Rahti Hai,

Khuda Zindagi Ki Har Khushi Kare Adaa Aapko,

Har Dua Mein Meri Ye iltija Rahti Hai,

****************************************************************************************

Aansu Aankho Se Kabhi Girne Na Paye,

Na Dard Ho Apko Na Kabhi Chot Aaye,

Mere Hisse Me Khushiyan Zyada To Nahi,

Par Rab Kare Wo Bhi Aapko Hi Mil Jaye. 

****************************************************************************************

Ye Khusbhu Ye Hawaa Aapki Huyi,

Mausam Ki Har Ek Ada Aapki Huyi,

Dil Ne Chaha Kuchh Khaas Tohfa Du Aapko,
Chalo Aaj Se Meri Har Dua Aapki Huyi.

****************************************************************************************

Andhero Ke Liye Kuchh Aaftaab Maange Hain,

Apne Liye Humne Dost Kuchh Khaas Maange Hain,

Jab Bhi Dua Me Kuchh Maanga Hai Rab Se,

To Aapke Liye Khushi Ke Lamhat Maange Hain. 

Dua Shayari
****************************************************************************************

Tute Huye Dil Ne Bhi Uske Liye Dua Maangi,

Meri Saanso Ne Har Pal Uski Khushi Maangi,

Na Jaane Kaisi Dillagi Thi Uss Bewafa Se,

Maine Aakhiri Khwahish Me Bhi Uski Wafa Maangi.

****************************************************************************************

Tere Gamon Ko Teri Khushi Kar De,

Har Subah Teri Duniya Me Roshni Bhar De,

Jab Bhi Tootne Lage Teri Saanse,

Khuda Tujhme Shamil Meri Zindagi Kar De.

****************************************************************************************

Rab Se Aapki Khushi Mangte Hain,

Duaon Me Aapki Hansi Mangte Hain,

Sochte Hain Kya Mangen Aapse,

Chalo Umr Bhar Ki Mohabbat Mangte Hain.

****************************************************************************************

Humse Bhi Pooch Lo Kabhi Haal-E-Dil Humara,

Kabhi Hum Bhi Kah Saken Ki Duaa Hai Aapki.

****************************************************************************************

Ya Khuda Meri Duaon Mein Itna Asar Kar De,

Khushiyan Use Dard Uska Mujhe Nazar Kar De,

Dilon Se Dooriyon Ka Ehsaas Mita De Ya Maula,

Nahin To Uske Aanchal Ko Mera Kafan Kar De.
Dua Shayari

****************************************************************************************

Khushi Mili Toh Kayi Dard Mujh Se Rooth Gaye,

Duaa Karo Ke Main Phir Se Udaas Ho Jaon.

****************************************************************************************

Phir Se Niklenge Talaash-e-Zindgi Mein,

Dua Karna Iss Baar Koi Bewafa Na Mile.

****************************************************************************************

Aye Khuda Mere Rishte Mein Kuchh Aisi Baat Ho,

Main Sochun Usko Aur Woh Mere Saath Ho,

Meri Saari Khushiyan Mil Jayein Usko,

Ek Lamhe Ke Liye Bhi Agar Wo Udaas Ho.
****************************************************************************************

Tu Hi Mil Jaye Mujhe Bas Itna Hi Kafi Hai,

Meri Har Saans Ne Yeh Dua Maangi Hai,

Jaane Kyun Dil Khincha Jata Hai Teri Taraf,

Kya Tune Bhi Mujhe Paane Ki Dua Maangi Hai.
Dua Shayari

****************************************************************************************

Hoti Nahin Qubool Duaa Tark-E-Ishq Ki,

Dil Chaahtaa Na Ho To Duaa Men Asar Kahaan.

-Altaf Husain Hali

****************************************************************************************

Lab Taraste Hain Ilteja Ke Liye,

Haath Uthate Nahin Duaa Ke Liye.

-Jigar Moradabadi

****************************************************************************************

Is Ka Gilaa Nahin Ki Duaa Be-Asar Gai,

Ik Aah Ki Thi Vo Bhi Kahin Jaa Ke Mar Gai.

-Tilokchand Mehroom

****************************************************************************************

Yoon Tujh Ko Ikhtiyaar Hai, Taasir De Na De,

Dast-E-Dua Ham Aaj Uthaaye Hue To Hain.

-Majaz

****************************************************************************************

Vo Jaate Hain Aati Hai Qayaamat Ki Sahar Aaj,

Rotaa Hai Duaon Se Gale Mil Ke Asar Aaj.

-Daagh Dehlvi

****************************************************************************************

Mujh Ko Ye Aitaraaf Duaon Mein Hai Asar,

Jaayen Na Arsh Par Jo Duayen To Kya Karen.

-Akhtar Sheerani

****************************************************************************************

Maangaa Karen Ge Ab Se Dua Hijr-E-Yaar Ki,

Aakhir Ko Dushmani Hai Dua Ko Asar Ke Saath.

-Momin

Dua Shayari

****************************************************************************************

Sunte Hain Ki Mil Jaati Hai Har Cheez Dua Se,

Ek Roz Tumhen Maang Ke Dekhenge Khudaa Se.

-Rana Akbarabadi

****************************************************************************************

Sab Kuchh Khuda Se Maang Liyaa Tujh Ko Maang Kar,

Uthte Nahin Hain Haath Mere Is Duaa Ke Baad.

-Agha Hashr

****************************************************************************************

Maangen Ge Ab Duaa Ki Use Bhool Jaayen Ham,

Lekin Jo Vo Baavaqt-E-Dua Yaad Aa Gayaa.

-Khumaar Barabankvi

****************************************************************************************

Hatheliyon Ki Dua Phool Le Ke Aai Ho,

Kabhi To Rang Mere Haath Ka Hinaai Ho.

-Parveen Shaakir

****************************************************************************************

Arsh Se Ho Ke Jo Maayoos Duayen Aayin,

Main Ye Samajha Ki Mere Ghar Men Balaayen Aayin.

-Jigar Moradabadi

****************************************************************************************

Marne Ki Duayen Kyon Maangoo, Jine Ki Tamannaa Kaun Kare,

Ye Duniyaa Ho Yaa Vo Duniyaa, Ab Khvaahish-E-Duniyaa Kaun Kare.

-Moin Ahasan Jazbi

Dua Shayari

****************************************************************************************

Kijiye Aur Koi Zulm Agar Zid Hai Yahi,

Lijiye, Aur Mere Lab Pe Duaen Aayin.

-Jigar Moradabadi

****************************************************************************************

Marzi-E-Yaar Ke Khilaaf Na Ho,

Log Mere Liye Dua Na Karen.

-Hasrat Mohani

****************************************************************************************

Lamhaat-E-Yaad-E-Yaar Ko Sarf-E-Dua Na Kar,

Aate Hain Zindagi Mein Ye Aalam Kabhi Kabhi.

-Shakeel Badayuni

****************************************************************************************

Ik Teri Tamanna Ne Kuchh Aisa Navaazaa Hai,

Maangi Hi Nahin Jaati Ab Koi Dua Ham Se.

-Ejaz Kamravi
Dua Shayari

****************************************************************************************

Tum Salaamat Raho Hazaar Baras,

Har Baras Ke Hon Din Pachaas Hazaar.

-Mirza Ghalib

****************************************************************************************

Dua Karoon Na Karoon, Soch Hai Yehi Ke Tujhe,

Dua Se Pahle Mere Dil Ka Muda’a Maaloom.

-Shad Azeemabadi

****************************************************************************************

Jaan Tujh Par Nisaar Karta Hoon,

Main Nahin Jaanta Dua Kya Hai.

-Mirza Ghalib

****************************************************************************************

Lab Pe Aati Hai Dua Ban Ke Tamanna Meri,

Zindagi Shama’ Ki Soorat Ho, Khudaya Meri.

-Allama Iqbal

****************************************************************************************

Masjid To Bana Di Dam Bhar Mein, Eimaan Ki Haraarat Waalon Ne,

Man Apna Purana Paapi Hai, Barson, Mein Namaazi Ban Na Saka.

-Allama Iqbal

Dua Shayari

****************************************************************************************

Unhen Zauq-E-Ibaadat Bhi Hai, Aur Gaane Ki Aadat Bhi,

Nikalti Hain Duaayein Un Ke Munh Se Thumriaan Ho Kar.

-Akbar Allahabadi

****************************************************************************************

Ya Taalib-E-Duaa Tha Main Ek Ek Se, Jigar,

Ya Khud Yeh Chaahta Hoon, Dua Mein Asar Na Ho.

-Jigar Moradabadi

****************************************************************************************

Taiyaar They Namaaz Pe Hum Sun Ke Zikar-E-Hoor,

Jalwa Buton Ka Dekh Ke Neeyat Badal Gai.

-Akbar Allahabadi

****************************************************************************************

Is Saadgi Ko Kaun Na Apnaaye Ai Khuda!

Dil Haath Bhi Uthaata Nahin Aur Dua Buland.

-Kalim Akhtar

Dua Shayari

****************************************************************************************

Yaad Aaye Hain Uff Gunaah Kyaa-Kyaa,

Haath Uthaaye Hain Jab Dua Ke Liye.

-Zaki Kakoravi

****************************************************************************************

Jab Duaa Di Usay, Alfaaz Sab Apne Bartey,

Iss Bhalayi Mein, Ye Thoda-Sa Buraa Hum-Ne Kiya.

-Shahid Jameel

****************************************************************************************

Dua-Ko Shauq Hai Takra Ke Laut-Aane Ka,

Zubaan Lafz-Zada, Haasil-E-Bayaa'n Khaali.

-Shahid Jameel

****************************************************************************************

Suraj Ki Har Kiran Teri Surat Pe Vaar Doon,

Dozakh Ko Chaahta Hoon Ki Jannat Pe Vaar Doon.

Itni Si Hai Tasalli Ke Hoga Muqaabla,

Dil Kya Hai Jaan Bhi Apni Qayamat Pe Vaar Doon.

-Abdul Hamid Adam

Dua Shayari

****************************************************************************************

Mujhe Zindagi Ki Dua Dene Waale,

Hansi Aa Rahi Hai Teri Saadgi Par.

-Gopal Mittal

****************************************************************************************

Talab-E-Aashiq-E-Saadiq Mein Asar Hota Hai,

Ho Zara Der Mein Hota Hai, Magar Hota Hai.

-Azad Ansari

****************************************************************************************

Ahl-E-Karam, Tarz-E-Karam Bhool Chuke Ho,

Hum Jaise Faqiron Ko To Ab Bhi Hai Dua Yaad.

-Mahir-Ul-Qadri

****************************************************************************************

Aakhir Koi Umeed-E-Asar Bhi Dua Ke Baad,

Kuchh Aap Bhi Kahen Meri Iltijaa Ke Baad.

-Fani Badayuni

****************************************************************************************
Dua Shayari